First Post

السلام عليكم ورحمة الله وبركاتة

 !! الجميع 

تفضلوا بالجلوس أسحبوا لكم كرسي وأجلسوا 




💁💓أحترت أبدأ التدوينة  بالعربي أو الانجليزي وكان الخيار اني ابديها بلغتي الام  
أتعبكم انا بلغتي الام بس خلونا من السالفة ذي

  ممكن تتسائلون الان وانتم جالسين وتقولون ياترى وش الطاري عليها تسوي مدونة ؟
 طبعًا كله بسبب مريم علي ونورينا بس فعلا انا من مبطي وانا أبي أنير العالم 
بالمعلومات الي عندي مو بس الاصدقاء الي حولي , وغير كذا انا فتحت المدونة عشان 
احاول اكسب من وراها كم ريال من خلال الاعلانات .. اوكي كذا صرت مادية بحت بس
 لحد ما القى وظيفة صدقوني .. الواحد لازم  يلقى له مصدر دخل

يقولون لكم خير الكلام ماقل ودل وطول عمري احاول اقلل الكلام الي ابي اقوله بس ماينفع الوضع وتصير السالفة قصة , مثل الحين .. انا جالسة أحاول أخلي البوست الاول 
لطيف وخفيف لكن يبدو لي إني راح أسرد عليكم قصة قبل ما أنهيه

👳القصة 

قبل البوست هذا جلست مع نفسي الساعة 11 بالليل وكان الجو بارد لأن طبعا أحنا بالشتاء لذلك لازم يصير الجو بارد , المهم فكرت الحين بوضعي انا .. جالسة من غير شغل ولا هدف أسعى له "انا عندي أهداف كثيرة بس كلها جانبية" عموما ...فكرت ليه ما أسوي لي مدونة لطيفة وصغيرة على قدي واحط فيها الكتب الي عجبتني والافلام وبعض اكواد البرمجة الي فادتني وبعض المواقع الي موجودة حولنا وهي مره مفيدة ولا احد يعرفها ومن هنا زاد حماسي للوضع هذا

:انتهت القصة وإذا كنتم حاسين ما منها فايدة ترا لها فائدتين
 

1. أن الانسان ممكن يطلع بافكار ممتازة خلال الشتاء

1. أن الانسان حلو يتشارك مع غيره الاشياء الي تونسه, لان بالنهاية الوضع يصير سامج اذا ماعنده احد يتشارك معه 

أقولكم الوضع ذكرني أيام ماكنت أسوي مواضيع أيام المنتدى وحسيت إني أشتقت

أنتهى أول بوست بسلام , لي عودة أكيد طبعًا 

💓💓

#